അവൻ എത്രത്തോളം ക്ഷമിച്ചുകൊണ്ടിരിക്കും?

ഭയമില്ലാതിരുന്നേടത്തു അവർക്കു മഹാഭയമുണ്ടായി; നിന്റെ നേരെ പാളയമിറങ്ങിയവന്റെ അസ്ഥികളെ ദൈവം ചിതറിച്ചുവല്ലോ. ദൈവം അവരെ തള്ളിക്കളഞ്ഞതു കൊണ്ടു നീ അവരെ ലജ്ജിപ്പിച്ചു. സങ്കീർത്തനം 53: 5 

ഞാൻ ഒരു വളർത്തു നായയെ വാങ്ങി. അതിനെ നന്നായി പരിശീലിപ്പിക്കാനായി ഞാൻ ദീർഘ നാളുകൾ ശ്രമിച്ചു, എന്നിട്ടും ഇപ്പോഴും കടന്നു വരുന്ന എല്ലാ സന്ദർശകർക്കും ഈ നായ അപകടകാരിയായി തുടരുന്നു! അതിലുള്ള എന്റെ ആശ ഇപ്പോൾ നഷ്ടപ്പെട്ടു. ഞാൻ ആ വളർത്തു മൃഗത്തോട് എന്തു ചെയ്യണമെന്ന് നിങ്ങൾ നിർദ്ദേശിക്കാമോ? 

ദൈവം നിങ്ങളെയും എന്നെയും ഒരു മഹത്തായ ഉദ്ദേശ്യത്തോടു കൂടെയാണ് സൃഷ്ടിച്ചത് (യിരെ 29:11). നാം അവന്റെ വഴികളെ ത്യജിച്ച് നമ്മുടെ വഴിയിൽ തന്നെ തുടരുകയാണെങ്കിൽ എന്തു ചെയ്യാനാകും? ഭൂമിയിയിലുള്ള സകലരോടും ക്ഷമിച്ച് നിത്യജീവൻ നൽകാൻ ദൈവത്തിന് ആഗ്രഹമുണ്ട് (യോഹ 3:16). 

ദുഷ്ടത അതിന്റെ പാരമ്യത്തിലെത്തിയപ്പോൾ ദൈവം സകലത്തേയും  പ്രളയത്താൽ നശിപ്പിച്ചു (ഉൽപ്പ 7). എന്നാൽ പ്രളയത്താൽ ഇനി ഒരിക്കലും ഭൂമിയെ നശിപ്പിക്കിയില്ലായെന്ന് അവൻ പിന്നീട് വാഗ്ദാനവും ചെയ്തു (ഉൽപ്പ 9:15). എന്തുകൊണ്ട് നാം ഇനി അവനിലേക്ക് തിരിഞ്ഞുകൂടാ? 

ദൈവ കോപത്തിൽ നിന്നും രക്ഷപ്പെടാനുള്ള ഏക മാർഗ്ഗമാണ് മാനസാന്തരം! 

പ്രാർത്ഥന:
കർത്താവേ, അങ്ങ് അടിയനെ സൃഷ്ടിച്ചതിന്റെ ഉദ്ദേശ്യം തിരിച്ചറിഞ്ഞ് ദിനം പ്രതി അടിയന്റെ ജീവിതത്തെ നയിക്കാൻ അടിയനെ സഹായിക്കേണമേ. ആമേൻ

(Translated from English to Malayalam by R. J. Nagpur)